「斟酒嘅速度一定要快過地盤叔叔飲酒嘅速度！」

客戶故事分享

上星期突然接到一個朋友介紹，有一個地盤會BBQ團年聚餐，原來係一個港鐵地盤😨，想要一啲120人酒水嘅到會服務。

初初遇到客戶嘅時候，發現有好多挑戰，場地沒有音響，沒有電，也沒有飲用的器皿，亦都冇製冰工具。簡單嚟講就係一個爛地❗️

酒精敏感就係幫人解決問題，讓當晚嘅活動昇華。一句：「冇問題，全部幫你搞掂」

就懷着戰戰兢兢嘅心情，去接咗依個event，心諗其實我連地盤都未去過。另外都好擔心，聽講地盤叔叔好飲得，會唔會蝕錢㗎？俾地盤叔叔飲晒我哋公司嘅酒精😰

活動當日，全靠同事安排好，酒精敏感膠杯，鹽（可以令冰塊溶化得慢啲，製冷的速度提升），拉電，音響，燈光及佈置，當然有主角三款啤酒三款紅酒。

我哋懷着一個目標
「斟酒嘅速度一定要快過地盤叔叔飲酒嘅速度！」